Albert Guðmundsson skoraði sigurmark AZ Alkmaar þegar liðið mætti Heracles í hollensku úrvalsdeildinni í kvöld.
Þetta var annar byrjunarliðsleikur Alberts í röð en hann hefur fengið tækifæri eftir að hann skoraði tvö mörk þegar að hann kom inná sem varamaður á dögunum.
Sigurmark Alberts kom á 66. mínútu leiksins. Tæpum tíu mínútum síðar fékk íslenski landsliðsmaðurinn síðan að líta gult spjald.
Leiknum lauk með 2-1 sigri AZ. Liðið situr í fjórða sæti deildarinnar þegar tvær umferðir eru eftir.
Guðmundur Benediktsson, faðir Alberts, lýsti ánægju sinni með markið á Twitter.
Þessi gæji 😘 https://t.co/ppr3B7dZwx
— Gummi Ben (@GummiBen) April 23, 2019
Athugasemdir