Mourinho: Ég fékk ekki sama stuðning og traust og Ten Hag

Mourinho var látinn fara í desember 2018 eftir slæm úrslit þar á undan. Sambandið milli Mourinho og Ed Woodward var ekki gott.

„Persónulega samband mitt og Ed Woodward var gott, en samband okkar sem starfsmenn United var ekki það besta," segir Mourinho við Telegraph.

„Ég er sá sem ég er. Ég er fótbolta þenkjandi. Ed er með annan bakgrunn og það sem Ten Hag hefur haft hjá Manchester United hafði ég ekki. Ég fékk ekki þennan stuðning. Ég fékk ekki þetta traust."

„Ég var dapur þegar ég fór því mér fannst ég vera í byrjuninni á ferli. Á sumum augnablikum leið mér eins og þeir treystu mér."

Mourinho eyddi 400 milljónum punda sem stjóri United og á tæpum tveimur tímabilum hefur Ten Hag eytt 410 milljónum punda. Tölfræðilega er Mourinho með betri árangur heldur en Mourinho en alls stýrði hann liðinu í 144 leikjum og Ten Hag hefur stýrt liðinu í 107 leikjum.

Mourinho hélt áfram og segir að nokkrir leikmenn sem eru enn í hópnum sýni ekki nægilega fagmennsku til að vera fulltrúar félags sem leitast við að keppa við þá bestu í heimi.

„Það eru nokkrir leikmenn ennþá þarna sem ég vildi ekki hafa fyrir fimm eða sex árum. Mér finnst eins og þeir sýni svolítið það sem ég tel ekki besta faglega prófílinn fyrir félag af ákveðinni stærð."

„En ég vann mína vinnu þarna. Tíminn leiðir alltaf sannleikann í ljós. Ég myndi elska að Manchester United nái árangri," sagði sá portúgalski.