Jose Ramon Alexanko, fyrrum fyrirliði Barcelona, hefur verið ráðinn sem yfirmaður knattspyrnumála hjá Mamelodi Sundowns í Suður-Afríku.
Alexanko, sem er 64 ára, spilaði með Barcelona frá 1980 til 1993. Hann var einnig aðstoðarþjálfari Katalóníustórveldisins frá 2000 til 2002.
Alexanko, sem er 64 ára, spilaði með Barcelona frá 1980 til 1993. Hann var einnig aðstoðarþjálfari Katalóníustórveldisins frá 2000 til 2002.
Alexanko hefur verið að vinna fyrir Sundowns frá því í september á síðasta ári. Hann var yfir akademíunni og njósnamálum hjá félaginu, en hefur núna fengið stöðuhækkun.
Erik Hamren var yfirmaður knattspyrnumála hjá Mamelodi Sundowns frá janúar 2018 þangað til í ágúst 2018. Hann yfirgaf félagið til að taka við íslenska landsliðinu, en hann er auðvitað í því starfi enn í dag.
Ef miða má við frétt frá Goal þá er Alexanko fyrstur til að gegna starfinu hjá Sundowns frá því að Hamren fór, að minnsta kosti er ekki minnst á annan einstakling.
Athugasemdir