Samkvæmt tölfræðisíðu OptaJean eru nú þegar komnar fleiri vítaspyrnur á heimsmeistaramótinu í Rússlandi heldur en á öllu Heimsmeistaramótinu árið 2014 í Brasilíu.
Eden Hazard skoraði fyrsta mark Belgíu af fimm í fyrsta leik dagsins gegn Túnis. Var það enn ein VAR ákvörðunin á mótinu. Tölfræðisíðan OptaJean benti á að það eru nú þegar komnar 13 vítaspyrnur í 27 leikjum á þessu móti sem eru jafnmargar vítaspyrnur og á HM fyrir fjórum árum.
Metið var bætt í leik Mexíkó og Suður-Kóreu en Mexíkó komst yfir eftir að varnarmaður Suður-Kóreu fékk boltann í hendina. Ekki þurfti að notast við VAR í þessu tilfelli þar sem dómurinn þótti nokkuð augljós.
13 - There have been 13 penalties in this World Cup 🏆 2018 (27 games), already as many as in the entire 2014 World Cup (64 games). VAR.#WorldCup #BELTUN pic.twitter.com/ZNcmUY4z4p
— OptaJean (@OptaJean) June 23, 2018
Athugasemdir