Eftir tap gegn Nígeríu í gær verður Ísland að vinna Króatíu til að halda lífi í vonum sínum um sæti í 16-liða úrslitum.

„Maður fann það á stemningunni hjá strákunum í morgunmatnum að menn eru tilbúnir í næsta leik þó að þeir séu þreyttir og lúnir. Menn eru að fara að safna kröftum fyrir næsta verkefni sem verður skemmtilegt."

„Við höfum farið áður í bardaga við Króatíu og þá er ekkert gefið eftir. Það eru yfirleitt gul spjöld í bunkum og rauð spjöld líka. Ég held að þetta verði ekkert öðruvísi."

Ísland var með Króatíu í riðli í undankeppni HM auk þess sem liðin mættust í umspili fyrir HM 2014.

„Við þekkjum Króatana eins og bræður okkar og systur. Þeir eru með heimsklassa leikmenn og öll umræða um það að þeir séu að faraa ð hvíla einhverja á ekki að skipta neinu máli."

„Ef þú skoðar hópinn hjá Króötunum þá eru þeir með geðveika leikmenn. Þeir eru með heimsklassa leikmenn í nánast öllum stöðum og leikmenn sem eiga eftir að vekja athygli á næstu árum. Þeir eru með breiðan og stóran hóp og við líka. Þetta verður stál leikur."

Hér að neðan má sjá viðtalið við Gumma í heild.