Hermann Hreiðarsson, fyrrum landsliðsfyrirliði, var mættur á leik Íslands og Nígeriu í Volgograd í gær.

Hermann gjörsamlega trylltist úr gleði þegar Ísland fékk vítaspyrnu seint í leiknum.

Eyjamaðurinn lét tilfinningar sínar í ljós og sólgleraugu hans féllu til jarðar í látunum.

Þetta fór ekki framhjá enskum fótboltaáhugamönnum sem birtu nokkrar Twitter færslur um málið eins og sjá má neðst í fréttinni.

Hermann lék lengi á Englandi og varð meðal annars bikarmeistari með Portsmouth.

Í dag er hann aðstoðarþjálfari Kerala Blasters í Indlandi en þar er félagi hans David James þjálfari.