Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 23. júní 2019 16:47
Brynjar Ingi Erluson
Neymar við leikmenn Barcelona: Ég er á leiðinni
Neymar er líklega að fara frá Paris Saint-Germain
Neymar er líklega að fara frá Paris Saint-Germain
Mynd: Getty Images
Brasilíski sóknarmaðurinn Neymar hefur tjáð fyrrum liðsfélögum sínum hjá Barcelona að hann sé á leið til félagsins. Þetta kemur fram í spænska miðlinum Sport.

Neymar samdi við PSG árið 2017 en hann varð þá dýrasti leikmaður heims.

Lífið í París hefur reynst honum erfitt þrátt fyrir ótrúlega tölfræði en hann hefur skorað 51 mark í 58 leikjum í öllum keppnum og þá lagt upp 29 mörk.

Mikið hefur verið rætt og ritað um framtíð hans í Frakklandi en helstu miðlar í Frakklandi og á Spáni telja að hann sé á leið til Barcelona.

Samkvæmt Sport þá hefur Neymar tjáð fyrrum liðsfélögum sínum hjá Barcelona að hann sé á leið til félagsins en hann átti að hafa sagt orðrétt: „Slakið á, ég er á leiðinni," .

Talið er að Barcelona sé reiðubúið að láta PSG fá 100 miljón evra og Philippe Coutinho í skiptum fyrir Neymar.
Athugasemdir
banner
banner
banner
banner