Björgólfur Takefusa mætti sínum gömlu félögum í Val í kvöld
„Ég sagði við Heimi að ég gat ekki gert honum það að skora úr vítinu" sagði Björgólfur Takefusa, hinn reynslumikli framherji SR, sem var sæmilega brattur eftir leik SR og Vals í Mjólkurbikarnum, þrátt fyrir 3-0 tap.
Bjöggi sagðist vera ánægður með frammistöðu liðsins, allt viðtalið má sjá hér að ofan.
Bjöggi sagðist vera ánægður með frammistöðu liðsins, allt viðtalið má sjá hér að ofan.
Lestu um leikinn: SR 0 - 3 Valur
„Ég er með Heimi í mánudagsbolta og við náum svo vel saman, svona er þetta."
Bjöggi segist ekki mikið hafa æft með liðinu fyrir mót en hann segir að miðað við þennan leik eigi liðið að setja sér stefnu að fara upp úr 4. deildinni í sumar.
„Við erum að tala um Val og svo SR sem er í 4. deildinni. Við með tvo sem fara á Hrafnistu eftir nokkur ár, frammi, og besta málarann í bransanum í markinu. Miðað við þetta er þetta nokkuð vel sloppið," sagði Bjöggi aðspurður hvort honum hafi fundist upplegg SR ganga í kvöld.
Athugasemdir
