Fylkir og Þróttur gerðu 2-2 jafntefli í 3. umferð Pepsi-Max deildar kvenna í kvöld eftir bráðskemmtilegar lokamínútur þar sem tvö glæsileg mörk komu í uppbótartíma. Bryndís Arna Níelsdóttir átti góðan leik fyrir Fylki og skoraði bæði mörk liðsins. Hún kom þeim yfir 2-1 í uppbótartíma með skoti sem fór í slánna og inn. Það dugði þó ekki til því Þróttarar svöruðu fyrir sig og jöfnuðu leikinn á ný.
"Svekkelsi. Svekkt að hafa ekki náð að vinna þennan leik, að þær skora þetta mark í uppbótartíma, þetta er bara svo mikið svekkelsi sko." sagði Bryndís Arna beint eftir leik.
Bryndísi þótti ekkert koma á óvart í leik Þróttar í kvöld. "Við hefðum bara getað spilað betur. Vorum ekki alveg upp á okkar besta. Sérstaklega í fyrrihálfleik, hefðum getað spilað boltanum betur. Við vorum mikið að sparka bara löngum boltum en í seinni hálfleik vorum við miklu betri að spila boltanum en svekkjandi að ná ekki í sigurinn."
"Svekkelsi. Svekkt að hafa ekki náð að vinna þennan leik, að þær skora þetta mark í uppbótartíma, þetta er bara svo mikið svekkelsi sko." sagði Bryndís Arna beint eftir leik.
Bryndísi þótti ekkert koma á óvart í leik Þróttar í kvöld. "Við hefðum bara getað spilað betur. Vorum ekki alveg upp á okkar besta. Sérstaklega í fyrrihálfleik, hefðum getað spilað boltanum betur. Við vorum mikið að sparka bara löngum boltum en í seinni hálfleik vorum við miklu betri að spila boltanum en svekkjandi að ná ekki í sigurinn."
Lestu um leikinn: Fylkir 2 - 2 Þróttur R.
Fylkiskonur hafa unnið tvo og gert eitt jafntefli í upphafi móts. Þær eru ánægðar með þessa byrjun.
"Þetta er bara mjög góð byrjun, 7 stig eftir þrjá leiki, það er bara fínt. Við vildum fá 9 sko en ég meina, svona gerist."
Næsti leikur Fylkis er fyrir norðan gegn Þór/KA eftir viku. Það leggst mjög vel í Bryndísi.
"Við komum bara sterkar inn í næsta leik eftir þetta "set-back" og já, ætlum bara að taka hann"
Sæunn Rós leikmaður Fylkis meiddist á 85. mínútu og varin borin af velli á börum.
"Ég veit ekki hvað gerðist, hún hélt um hnéið sitt og öskraði þannig þetta lítur ekki vel út. Mjög leiðinlegt að missa hana úr liðinu, mjög góður leikmaður" sagði Bryndís.
Athugasemdir