Fréttaritari spurði Jón Dag einnig um HK, fylgist Jón Dagur vel með sínu liði?

„Já ég var að spila sjálfur þegar leikurinn gegn FH var en ég horfði á leikinn gegn KR og úrslitin þar geggjuð," sagði Jón Dagur.

Hvað er það sem heillar hann mest við frammistöðu HK á laugardag?

„Liðsheildin í liðinu er til fyrirmyndar. Það er gaman að horfa á liðið, allir tilbúnir að berjast um alla bolta og svo eru leikmennirnir góðir í fótbolta. Það gleymist oft finnst mér í umræðunni. Þeir vita i hverju þeir eru góðir og vinna vel með sína styrkleika. Ef þeir halda því áfram munu þeir gera stórkostlega hluti í sumar."

Þegar Jón Dagur stillir inn á leik með HK, er hann spenntur að fylgjast með einhverjum sérstökum leikmönnum eða er það liðið í heild?

„Auðvitað eru fullt af vinum mínum í liðinu og svo er gaman að horfa á Valgeir [Valgeirsson] líka. Ég myndi segja að ég sé spenntastur fyrir því að sjá hvernig leikurinn spilast og úrslitin í leiknum," sagði Jón Dagur í gær.