Knattspyrnudeild Þórs hefur sent frá sér yfirlýsingu vegna brota á lögum um veðmálaauglýsingar. Málinu var vísað til aganefndar KSÍ í dag.
Tveir leikmenn Þórs og þjálfari liðsins mættu með Coolbet derhúfur í viðtöl eftir leik í Lengjudeildinni.
Tveir leikmenn Þórs og þjálfari liðsins mættu með Coolbet derhúfur í viðtöl eftir leik í Lengjudeildinni.
Yfirlýsing Þórs:
Stjórn knattspyrnudeildar Þórs harmar það atvik sem átti sér stað að loknum leik Þórs og Grindavíkur í 1. umferð Lengjudeildarinnar sl. föstudag 19. júní, þegar leikmenn og þjálfarar liðsins komu í viðtal eftir leik með húfu með vörumerki fyrirtækisins Coolbet.
Félagið harmar þetta atvik og tekur fulla ábyrgð í málinu.
Enginn samningur hefur verið gerður við umrætt fyrirtæki né mun vera gerður og Þór hefur ekki og mun ekki þiggja neinar greiðslur frá þeim.
Við viljum biðjast velvirðingar á þessum mistökum okkar og munum leggja okkur fram við að vanda vinnubrögð okkar í framtíðinni
Athugasemdir
