„Við erum svekktastir með það að detta út úr bikarnum það er stór hluti að komast áfram, þú vinnur og þú tapar og það er ekkert jafntefli í bikar. Við gerðum 7-8 breytingar á byrjunarliðinu frá síðasta leik og það sem ég vill segja þeir er að ég er gríðarlega stolltur að þeim sem komu inn á í leiknum og lögðu sig 100% í verkefnið og gerðu sig vel gildandi í okkar leik og okkar hóp þannig við erum mjög ánægðir með það," voru fyrstu viðbrögð Ágústar Gylfasonar eftir tapið gegn HK í Kórnum í kvöld.

Lestu um leikinn: HK 2 -  1 Grótta

„Leikurinn þróaðist dálítið þannig að mér fannst við spila nokkuð öflugan leik og gáfum í rauninni HK bara leik og vorum alveg inn í honum allan tíman að mínu vitu og hefðum alveg getað jafnað hérna í lokin þar sem þeir lögðust til baka og við sóttum grimmt á þá."

Brynjar Björn Gunnarsson þjálfari HK vildi meina að þetta hafi verið verðskuldaður sigur hjá HK og var Ágúst Gylfason ekki sammála því.

„Mér finnst það bara algjör þvæla hjá honum, hann má alveg greina leikinn og koma með einhver XG og eitthvað svoleiðis. Kannski er það gott hjá honum að segja það, jákvætt fyrir HK að vinna leik loksins og gott fyrir þeirra áframhald en við gáfum þeim ekkert eftir og þetta var bara hörkuleikur, þeir stóðu sig vel og við stóðum okkur vel og það var jafnræði með liðunum að mínu viti."

Viðtalið í heild sinni má sjá í sjónvarpinu hér að ofan þar sem Ágúst Gylfason var meðal annars spurður út í framtíð Péturs Theódors.

Tweet

Senda a Facebook Hafdu samband Senda frétt Prenta frétt Frétta leit