Fimm leikir fóru í dag fram í 2. umferð í forkeppni Meistaradeildarinnar. Seinni leikir liðanna fara fram í næstu viku.

Markalaust var í fyrsta leik dagsins þegar Olympiakos sótti Plzen heim í Tékklandi. Dinamo Zagrem gerði góða ferð yfir til Georgíu og fór burt með tveggja marka forskot.

Í Hollandi var líf og fjör þegar PSV fékk Basel í heimsókn. Bruma kom PSV yfir á 14. mínútu en Basel skoraði næstu tvö mörk. Á 89. mínutu jafnaði Sam Lammers fyrir PSV og á þriðju mínútu uppbótartíma tryggði Donyell Malen Hollendingunum sigurinn með marki. Donyell Malen skoraði með hælspyrnu.

Í Wales vann FCK frá Kaupmannahöfn sterkan sigur á TNS og í Svartfjallalandi réðu vítaspyrnur úrslitum. Tomas De Vincenti kom APOEL yfir með einni slíkri en þegar rúmar tuttugu mínútur lifðu leiks klikkaði Stefan Nikolic á punktinum fyrir heimamenn.