Arnór Sveinn Aðalsteinsson, varnarmaður KR, fór meiddur af velli í jafnteflisleiknum gegn Fjölni í Pepsi Max-deildinni í gær. Í samtali við Vísi segir Arnór að hann verði bara frá í nokkra daga.
„Ég fékk þungt högg á lærið sem leiðir niður í hné en mesti áverkurinn sem ég er með er í lærinu. þetta verða væntanlega bara nokkrir dagar sem ég er frá. Það er ólíklegt að þetta sé eitthvað meira en ég hitti sjúkraþjálfara í dag," segir Arnór við Vísi.
„Ég fékk þungt högg á lærið sem leiðir niður í hné en mesti áverkurinn sem ég er með er í lærinu. þetta verða væntanlega bara nokkrir dagar sem ég er frá. Það er ólíklegt að þetta sé eitthvað meira en ég hitti sjúkraþjálfara í dag," segir Arnór við Vísi.
Sóknarleikmaðurinn Stefán Árni Geirsson og bakvörðurinn Kristinn Jónsson eru báðir frá vegna meiðsla og er óljóst hvenær þeir snúa til baka.
„Þeir eru báðir frá í einhvern tíma og það er algjörlega óvíst hversu lengi," sagði Rúnar Kristinsson, þjálfari KR, eftir leikinn gegn Fjölni í gær.
KR mætir KA í næsta leik sínum í Pepsi Max-deildinni á sunnudaginn en hér að neðan má sjá stöðuna í deildinni.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
