Stjarnan sótti ÍA heim fyrr í dag og Eyjólfur Héðinsson leikmaður Stjörnunnar var ánægður að leikslokum eftir 1-2 sigur á Norðurálsvellinum á Akranesi fyrr í dag.
Lestu um leikinn: ÍA 1 - 2 Stjarnan
„Bara mjög sáttur með þrjú stig, það er mjög erfitt að koma hingað. Þeir eru stórir og sterkir og harðir í horn að taka. Við mættum þeim bara í baráttunni í dag."
„Þetta var eflaust ekki fallegasti fótboltaleikurinn að horfa á, mikið af aukaspyrnum og leikurinn mikið stopp en það þarf að loka þessum leikjum og við gerðum þetta mjög fagmannlega, lág kannski aðeins á okkur en við vorum samt allaf hættulegir, skorum tvö góð mörk og verðskulduðum sigurinn."
Það var mikill hiti í leiknum og var Eyjólfur spurður hvernig honum fannst línan hjá Helga Mikael dómara leiksins.
„Mér fannst Helgi dæma mjög vel,fannst hann mjög flottur. Flestar ákvarðanir held ég að hafi bara verið hárréttar. Erfiður leikur að dæma og það var ákveðin lína sem hann hélt."
Stjarnan er enþá taplausir í deildinni og var Eyjólfur spurður út í framhaldið í deildinni.
„Bara spennandi, við erum að fara spila marga leiki núna á stuttum tíma og þurfum á öllum mannskapnum að halda."
Athugasemdir