Grealish hefur átt mjög flott tímabil í slöku liði Aston Villa og hefur hann verið sterklega orðaður við önnur félög, eins og Manchester City og Manchester United.

Í viðtali eftir leikinn á þriðjudag sagði hann: „Ég veit ekki hvort þetta hafi verið minn síðasti heimaleikur hérna (á Villa Park). Ég hef eitt markmið og það er halda liðinu uppi í úrvalsdeildinni, þar sem við eigum heima."

Hinn 24 ára gamli Grealish mun fara fyrir sínu liði, mögulega í síðasta sinn, í lokaumferðinni gegn West Ham á sunnudag. Þar er allt undir hjá Villa sem er að reyna að halda sér uppi, en stöðuna í deildinni má sjá hér að neðan.