Rúnar var ekki ánægður með jafnteflið
Rúnar Kristinsson, þjálfari KR, var að vonum svekktur eftir 1-1 jafntefli sinna manna gegn Fylki í næstsíðustu umferð Pepsi-deildar karla í dag.
„Það eru vonbrigði að fá þetta mark á okkur þegar að við erum með leikinn í okkar höndum. Maður hefði viljað taka þrjú stig hérna á heimavelli." sagði Rúnar eftir leik.
„Það eru vonbrigði að fá þetta mark á okkur þegar að við erum með leikinn í okkar höndum. Maður hefði viljað taka þrjú stig hérna á heimavelli." sagði Rúnar eftir leik.
Lestu um leikinn: KR 1 - 1 Fylkir
Fyrri hálfleikur leiksins var rosalega tíðindalítill og skapaði hvorugt lið sér einhver færi af viti. Fylkismenn spiluðu þéttan og agaðan varnarleik sem að KR áttu í mestu vandræðum með.
„Þeir komu bara hingað til að sækja eitt stig. Það var ekki fyrr en að við komumst yfir sem að þeir þurftu að sækja þetta stig og þá breytist leikurinn örlítið. Mér fannst við samt hafa algjöra stjórn á þessu og fáum á okkur eitt mark eftir skyndisókn sem að við hefðum alveg getað sleppt."
Eftir leiki dagsins sitja KR-ingar ennþá í fjórða sæti deildarinnar með jafn mörg stig og FH sem að er sæti neðar. Það er því ljóst að Evrópubaráttan heldur áfram fram á síðustu sekúndu.
„Við þurfum bara að hugsa um okkur og reyna að standa okkur í Víkinni. Ef að við vinnum þar eigum við góða möguleika." sagði Rúnar um lokaumferðina.
Athugasemdir
