Gary Neville: Ekki gera eins með Solskjær og með Mourinho

Mynd: Getty Images

Gary Neville, goðsögn hjá Manchester United, hefur áhyggjur af stöðu mála hjá Manchester United eftir erfiða byrjun á tímabilinu.

United tapaði í gær, 2-0, á útivelli gegn West Ham. Neville um stöðu mála í hlaðvarpi sínu hjá Sky Sports.

Neville segir það mikilvægt að stuðningsmenn þurfi að sýna Ole Gunnar Solskjær, stjóra liðsins, stuðning og það sama með stjórnarmenn félagsins.

Pirringur stuðningsmanna má ekki verða til þess að forráðamenn fari út af sporinu, eins og Neville orðaði það, eins og þegar félagið rak David Moyes, Louis van Gaal og Jose Mourinho.

„Þjálfarinn þarf að fá stuðning stjórnarinnar í leikmannamálum til að fá það sem vantar í hópinn. Það hefur ekki verið gert í átta ár núna."

„Þeir hafa komið með peninga en hugmyndafræðin á bakvið er gölluð. Ef félagið hefði sett stefnuna eins og hún er núna, að kaupa unga Englendinga, þá væri liðið í góðum málum núna."

„Félagið getur ekki haldið áfram að losa stjórana, það þarf að styðja stjórann. Þó þú værir besti stjóri heims gætir þú ekki gert neitt með þetta lið eins og það er í dag. Þetta mun taka tíma, það er ekki til nein einföld og snögg lausn."

Neville tjáði sig einnig um erfiðleika United á leikmannamarkaðnum.

„Dagarnir eru taldir þar sem United gat keypt leikmenn ódýrt frá miðlungsliðum í deildinni eða öðrum topplið. Rooney kom frá Everton, Berbatov og Carrick frá Tottenham og Ferdinand frá Leeds. Þessi lið vilja ekki selja núna nema peningurinn sé stjarnfræðilegur."

Premier league - karlar

#	Lið	L	mun	Stig
1	Arsenal	10	+10	27
2	Man City	10	+8	21
3	Brighton	10	+17	20
4	Chelsea	10	+4	17
5	Everton	10	+2	16
6	Liverpool	10	+2	16
7	Brentford	10	+7	15
8	Bournemouth	10	+2	15
9	Leeds	10	+2	14
10	Tottenham	10	-1	12
11	Newcastle	10	-3	12
12	Aston Villa	9	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Crystal Palace	10	-12	8
19	Man Utd	9	-5	7
20	Sunderland	10	-10	6