Spilar Ísland aftur í A-deild þegar Þjóðadeildin fer næst fram?
UEFA er að skoða þann möguleika að stækka A-deild Þjóðadeildarinnar úr 12 liðum í 16 lið.
Ísland lék í A-deildinni á síðasta ári en gekk afar illa og allt stefndi í fall í B-deildina. Þjóðadeildin er hugmynd UEFA til þess að fækka æfingaleikjum og fjölga keppnisleikjum.
Ísland lék í A-deildinni á síðasta ári en gekk afar illa og allt stefndi í fall í B-deildina. Þjóðadeildin er hugmynd UEFA til þess að fækka æfingaleikjum og fjölga keppnisleikjum.
Ef þessi stækkun gengur í gegn munu lið í A-deild leika sex keppnisleiki í stað fjögurra þar sem það voru einungis þrjú lið í riðli en með hugmyndinni munu fjögur lið leika í fjórum riðlum.
Ísland mun, ef þetta gengur í gegn, halda sæti sínu í efstu deild ásamt Þýskalandi, Króatíu og Póllandi.
Þau fjögur lið sem komust upp úr B-deildinni voru Úkraína, Svíþjóð, Bosnía og Hersegóvina og Danmörk. Portúgal vann Þjóðadeildina í sumar.
Athugasemdir
