Meðfylgjandi myndir voru teknar á æfingu í morgun en hvorki Arnar né leikmenn liðsins vildu tjá sig við fjölmiðla um fréttirnar af Maes sem er grunaður um að hafa tekið þátt í hagræðingu úrslita.

Landsliðsmaðurinn Ari Freyr Skúlason er meðal leikmanna Lokeren. Gengi liðsins hefur verið slappt það sem af er tímabilsins, en liðið er í næstneðsta sæti með fimm stig eftir ellefu umferðir.

Arnar er fyrrum leikmaður Lokeren en hann hefur starfað við þjálfun hjá félaginu síðan 2014 og hefur áður verið aðalþjálfari til bráðabirgða, þá eftir að þjálfari liðsins var rekinn.