Við sögðum frá því fyrir landsleikjahlé að Gylfi Þór Sigurðsson væri efstur á styrkleikalista Sky Sports yfir heitustu leikmenn ensku úrvalsdeildarinnar um þessar mundir.
Gylfi hefur verið að spila virkilega vel með Everton á þessu tímabili og verið besti leikmaður liðsins.
Sky Sports heldur úti styrkleikaröðun yfir þá leikmenn sem eru að spila best í ensku úrvalsdeildinni en eftir að hafa setið í efsta sæti í landsleikjahléinu er Gylfi núna í öðru sæti.
Á toppnum er Pierre-Emerick Aubameyang, sóknarmaður Arsenal. Aubameyang kom inn á sem varamaður og hjálpaði Arsenal að leggja Leicester að velli í gær. Hann skoraði tvennu.
Gylfi er í öðru sæti og Eden Hazard er í þriðja. Jóhann Berg Guðmundsson er kominn í 18. sæti eftir að hafa verið í 11. sæti.
Smelltu hér til að sjá listann.
Athugasemdir