þri 23. október 2018 21:13
Guðmundur Aðalsteinn Ásgeirsson
Mourinho setti aftur þrjá fingur á loft
Mynd: Getty Images
Manchester United tapaði 1-0 fyrir Juventus þegar liðin mættust í Meistaradeildinni í kvöld.

Eina mark leiksins skoraði Argentínumaðurinn Paulo Dybala þegar 17 mínútur voru liðnar.

Stuðningsmenn Juventus létu vel í sér heyra á OId Trafford og sungu þeir um stjóra Manchester United, Jose Mourinho. Þeir sungu illa um Mourinho sem svaraði með því að lyfta upp þremur fingrum.

Þetta gerði hann til að minna þá á þrennuna sem hann vann með Inter Milan árið 2010.

Mourinho lyfti líka þremur fingrum í áttina að stuðningsmönnum Chelsea á laugardag. Það gerði hann til að minna þá á Englandsmeistaratitlana sem hann vann með félaginu.









Athugasemdir
banner
banner
banner
banner