Guardiola ósáttur: Þarf að setja leikmenn inn í ísskáp

„Ég segi við strákana að fara heim, opna ísskápinn og slaka á þar inni í 48 tíma. Sjáumst á vellinum eftir tvo daga. Ég er ekki að grínast," sagði Guardiola.

„Ég læt strákana eiga sig í ísskápunum. Ég tala kannski aðeins við þá rétt á meðan ég opna ísskápinn til að ná mér í ommelettu en svo mega þeir eiga sig."

Man City á útileik við Wolves 27. desember klukkan 19:45 og svo heimaleik gegn Sheffield United 29. desember klukkan 18:00.

Til samanburðar fær Liverpool, helsti andstæðingur City í titilbaráttunni, næstum heilan aukadag á milli leikja í kringum jólin.