Lucas Hernandez þarf að gangast undir aðgerð

Franski landsliðsmaðurinn lá sárkvalinn á grasinu á 58. mínútu.

Bayern tilkynnti í dag að Hernandez þurfi að fara í aðgerð og spilar hann því ekki á næstunni.

Fyrir á meiðslalista Bayern er varnarmaðurinn Niklas Süle sem verður frá næstu mánuði eftir að hafa meiðst um síðustu helgi.

Góðu fréttirnar fyrir Bæjara eru þær að meiðsli Javi Martinez og Serge Gnabry eru minniháttar og ættu að geta hafið æfingar aftur á næstu dögum.

Bayern er í þriðja sæti í þýsku deildinni, einu stigi frá toppnum.