Lærisveinar Frank Lampard stíga fyrstir í sviðsljósið er þeir heimsækja Ajax rétt fyrir klukkan 17:00 á íslenskum tíma.

Liðin eru í H-riðli og er Ajax á toppinum með sex stig eftir tvær umferðir. Ajax sigraði Valencia 0-3 í síðustu umferð. Chelsea er með þrjú stig eftir óverðskuldað tap gegn Valencia í fyrstu umferð.

Það ríkja mikil meiðslavandræði í herbúðum Chelsea um þessar mundir og eru fimm mikilvægir leikmenn frá vegna meiðsla. N'Golo Kante er þar á meðal.

Síðar fer restin af leikjunum af stað og þar á Liverpool leik við Genk í E-riðli. Jürgen Klopp verður án Joel Matip, Trent Alexander-Arnold og Xherdan Shaqiri.

Liverpool er með þrjú stig eftir tvær umferðir og á möguleika á að ná toppsætinu með sigri. Napoli, sem er í toppsætinu með fjögur stig, heimsækir sterkt lið Salzburg á sama tíma. Napoli gerði markalaust jafntefli í Genk í síðustu umferð.

Inter tekur á móti Borussia Dortmund í F-riðli og verða gestirnir án Marco Reus, Paco Alcacer og Marcel Schmelzer á San Siro.

Dortmund og Barcelona, sem heimsækir Slavia Prag, eru saman á toppinum með fjögur stig. Inter er með eitt stig og þarf því sigur í kvöld.

E-riðill:
19:00 Genk - Liverpool (Stöð 2 Sport 2)
19:00 Salzburg - Napoli (Stöð 2 Sport 3)

F-riðill:
19:00 Inter - Dortmund (Stöð 2 Sport 4)
19:00 Slavia Prag - Barcelona (Stöð 2 Sport 5)

G-riðill:
16:55 RB Leipzig - Zenit
19:00 Benfica - Lyon

H-riðill:
16:55 Ajax - Chelsea (Stöð 2 Sport 2)
19:00 Lille - Valencia