Baráttan um gullskóinn - Gummi Magg einu marki á eftir Nökkva

Besta deildin er að klárast og það er spenna í baráttu um gullskóinn. Nökkvi Þeyr Þórisson er enn markahæstur í deildinni þrátt fyrir að vera farinn til Belgíu.

Guðmundur Magnússon, sóknarmaður Fram, er hinsvegar aðeins einu marki á eftir. Fram á eftir að spila gegn FH í dag og Keflavík í lokaumferðinni.

Ísak Snær Þorvaldsson hefur ekki skorað mark eftir tvískiptinguna og er sem stendur fjórum mörkum á eftir Nökkva. Breiðablik á einn leik eftir, gegn Víkingi í lokaumferðinni.