HK lagði FH að velli í eina leik kvöldsins í Bose-mótinu. Leikið var í Kórnum og komust gestirnir frá Hafnarfirði yfir snemma leiks, þegar Baldur Logi Guðlaugsson skoraði á þriðju mínútu.

Bjarni Gunnarsson jafnaði fyrir HK og gerði Valgeir Valgeirsson sigurmarkið í síðari hálfleik.

Frans Elvarsson, leikmaður Keflavíkur, lék með HK í leiknum og þá var Albert Hafsteinsson, leikmaður ÍA, í liði FH-inga.

Þetta var fyrsti leikur HK í Bose-mótinu en FH tapaði fyrir Blikum í fyrstu umferð. Það verður því úrslitaleikur á milli Kópavogsliðanna um fyrsta sæti riðilsins næsta fimmtudag.