Verona og Napoli áttust við í hörkuslag í ítalska boltanum í dag og tóku lærisveinar Gennaro Gattuso forystuna eftir tæpar tíu sekúndur.
Mexíkóinn fljóti Hirving Lozano slapp þá í gegn eftir varnarmistök og skoraði framhjá Marco Silvestri.
Leikurinn var jafn framan af og sýndu heimamenn, sem eru þekktir fyrir að verjast vel og beita skyndisóknum, góða takta. Þeir náðu að jafna metin með marki frá Federico Dimarco og staðan jöfn í hálfleik.
Síðari hálfleikurinn var áfram nokkuð jafn þar sem heimamenn í Verona nýttu færin sín betur. Sóknartengiliðirnir Antonin Barak og Mattia Zaccagni sáu um að gera næstu tvö mörk leiksins og staðan orðin 3-1 á lokakaflanum.
Lærisveinar Gattuso áttu engin svör og þurfa að sætta sig við ósigur. Þetta er mikill skellur fyrir Napoli sem hefði tekið fjórða sæti Serie A deildarinnar af Juventus með sigri.
Napoli er þess í stað í sjötta sæti, með 34 stig eftir 18 umferðir. Verona er fjórum stigum á eftir.
Verona 3 - 1 Napoli
0-1 Hirving Lozano ('1)
1-1 Federico Dimarco ('34)
2-1 Antonin Barak ('62)
3-1 Mattia Zaccagni ('79)
Í Genúa átti Genoa leik við Cagliari í fallbaráttunni og skoraði Mattia Destro strax á tíundu mínútu eftir stoðsendingu frá Kevin Strootman.
Cagliari var með völdin á vellinum en heimamenn í Genoa voru skeinuhættir.
Cagliari tókst ekki að jafna þrátt fyrir góðar tilraunir og frábærlega gert hjá Genoa að halda út. Þetta eru afar dýrmæt stig í fallbaráttunni.
Cagliari er í fallsæti, með 14 stig úr 19 leikjum. Genoa er með 18 stig.
Genoa 1 - 0 Cagliari
1-0 Mattia Destro ('10)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 36 | 27 | 4 | 5 | 85 | 31 | +54 | 85 |
| 2 | Napoli | 36 | 21 | 7 | 8 | 54 | 36 | +18 | 70 |
| 3 | Juventus | 36 | 19 | 11 | 6 | 59 | 30 | +29 | 68 |
| 4 | Roma | 36 | 21 | 4 | 11 | 55 | 31 | +24 | 67 |
| 5 | Milan | 36 | 19 | 10 | 7 | 50 | 32 | +18 | 67 |
| 6 | Como | 36 | 18 | 11 | 7 | 60 | 28 | +32 | 65 |
| 7 | Atalanta | 36 | 15 | 13 | 8 | 50 | 34 | +16 | 58 |
| 8 | Bologna | 36 | 15 | 7 | 14 | 45 | 43 | +2 | 52 |
| 9 | Lazio | 36 | 13 | 12 | 11 | 39 | 37 | +2 | 51 |
| 10 | Udinese | 36 | 14 | 8 | 14 | 45 | 46 | -1 | 50 |
| 11 | Sassuolo | 36 | 14 | 7 | 15 | 44 | 46 | -2 | 49 |
| 12 | Torino | 36 | 12 | 8 | 16 | 41 | 59 | -18 | 44 |
| 13 | Parma | 36 | 10 | 12 | 14 | 27 | 45 | -18 | 42 |
| 14 | Genoa | 36 | 10 | 11 | 15 | 40 | 48 | -8 | 41 |
| 15 | Fiorentina | 36 | 8 | 14 | 14 | 38 | 49 | -11 | 38 |
| 16 | Cagliari | 36 | 9 | 10 | 17 | 36 | 51 | -15 | 37 |
| 17 | Lecce | 36 | 8 | 8 | 20 | 24 | 48 | -24 | 32 |
| 18 | Cremonese | 36 | 7 | 10 | 19 | 30 | 53 | -23 | 31 |
| 19 | Verona | 36 | 3 | 11 | 22 | 24 | 58 | -34 | 20 |
| 20 | Pisa | 36 | 2 | 12 | 22 | 25 | 66 | -41 | 18 |
