Landsliðskonan Agla María Albertsdóttir hefur skrifað undir nýjan samning við Breiðablik, samningurinn gildir til þriggja ára.
Þessi 19 ára gamla landsliðskona kom til Blika frá Stjörnunni á síðasta ári, hún skoraði 9 mörk í 22 leikjum í deild og bikar síðasta sumar.
Agla lék með yngri flokkum Breiðabliks en fór árið 2015 til Vals. Árið 2016 fór hún til Stjörnunnar og eins og fyrr segir snéri hún aftur til Breiðabliks á síðasta ári.
Hún á að baki 23 landsleiki og hefur skorað í þeim tvö mörk, Agla lék alls 27 leiki fyrir yngri landsliðin og skoraði í þeim tíu mörk.
Agla María framlengir við Breiðablik!
— Blikar.is (@blikar_is) March 24, 2019
Íþróttakona Kópavogs 2018, landsliðskonan Agla María Albertsdóttir, hefur skrifað undir nýjan samning við Breiðablik og er nú samningsbundin félaginu til næstu þriggja ára.https://t.co/eZVEdsj5E1#blikarkoma #fotboltinet pic.twitter.com/h9AD7fSv54
Athugasemdir