Crystal Palace er búið að missa Jeffrey Schlupp í meiðsli út tímabilið en þessi kröftugi bakvörður hefur komið við sögu í nánast öllum leikjum liðsins hingað til.
Schlupp er 26 ára gamall og var hjá Leicester City í sjö ár áður en hann skipti yfir til Palace fyrir rúmlega tveimur árum. Hann leikur ýmist sem bakvörður eða kantmaður og er búinn að gera 4 mörk í 30 deildarleikjum á tímabilinu. Auk þess gerði hann 1 mark í 7 leikjum í bikarkeppnum.
Schlupp er landsliðsmaður Gana og á 15 leiki að baki fyrir þjóð sína.
Það vekur þó athygli að Ben Dinnery, helsti meiðslasérfræðingur úrvalsdeildarinnar, segir að Schlupp verði aðeins frá í þrjár vikur og geti því mögulega náð síðustu leikjum Palace á tímabilinu.
Unfortunately my season has come to an end a few weeks early due to an injury. Time to work hard and come back stronger ready for pre season 🙏🏾💪🏾 pic.twitter.com/lCBEIiYcFy
— Jeffrey Schlupp (@Jeffrey_Schlupp) April 20, 2019
Athugasemdir