Maurizio Sarri, stjóri Chelsea, hefur verið ákærður af enska knattspyrnusambandinu eftir að hafa verið rekinn upp í stúku í 2-2 jafnteflinu gegn Burnley á mánudagskvöld.

Það voru læti á Stamford Bridge og hiti í mönnum í göngunum eftir leik.

Gianfranco Zola, aðstoðarstjóri Chelsea, segir að starfslið Burnley hafi verið með dónaskap við Sarri.

„Ég held að þessu máli sé ekki lokið. Maurizio var mjög óánægður," sagði Zola.

Chelsea-menn voru ósáttir við hvernig Burnley tafði í leiknum og Sarri mætti ekki í viðtöl við fjölmiðla eftir leikinn.