Framan á nýjum treyjum félagsins mun standa 'Thank You NHS' og verða þær tilbúnar fyrir almenning í júní.

„Félagið vill þakka heilbrigðisstarfsfólki fyrir þrotlausa vinnu undanfarnar vikur útaf kórónuveirunni. Félagið er búið að ræða við NHS og getur staðfest samstarf með NHS Lothian út næstu leiktíð," segir meðal annars í yfirlýsingu frá félaginu.

„Við munum einnig starfa með ýmsum samfélagshópum til að hjálpa þeim sem þurfa og reyna að halda fólki virku og uppteknu. Fyrsti heimaleikurinn okkar á næstu leiktíð verður 'Takk NHS dagurinn' og við munum bjóða hundruðum heilbrigðisstarfsmanna á leikinn."

Skoska tímabilið verður blásið af og staðan látin standa í núverandi mynd eftir að félög komust að samkomulagi. Hibernian endar í sjötta sæti efstu deildar.