Þórólfur Guðnason, sóttvarnarlæknir, segir að miðað sé við að sjö fullorðnir æfi saman á hálfan völl þegar æfingar mega hefjast á ný þann 4. maí.
Börn á grunnskólaaldri mega hefja æfingar án fjöldatakmarkana 4. maí en aðrar reglur gilda fyrir fullorðna.
Þórólfur var spurður að því á fréttamannafndi í dag hvort leyfilegt sé að skipta fótboltavelli í þrennt fyrir æfingar og hafa sjö leikmenn í hverju svæði.
Börn á grunnskólaaldri mega hefja æfingar án fjöldatakmarkana 4. maí en aðrar reglur gilda fyrir fullorðna.
Þórólfur var spurður að því á fréttamannafndi í dag hvort leyfilegt sé að skipta fótboltavelli í þrennt fyrir æfingar og hafa sjö leikmenn í hverju svæði.
„Þetta er miðað við hálfan völl. Okkur fannst þetta nokkuð skynsamlegt. Við töluðum um sjö einstaklinga. Það er auðveldara fyrir knattspyrnumenn að stunda æfingar á þennan máta," sagði Þórólfur á fréttamannafundi í dag.
„Í upphafi var talað um jafnvel fjóra og það þótti mjög slæmt. Það var aukið upp í sjö þannig að við höfum gert þetta í samvinnu við hreyfinguna. Allt orkar þetta tvímælis og það er hægt að finna alls konar hluti en einhversstaðar varð að setja niður og ég held að þetta hafi verið skynsamleg niðurstaða."
Athugasemdir
