Sóknarmaðurinn Zlatan Ibrahimovic spilaði æfingaleik fyrir sænska félagið Hammarby í dag. Hinn 38 ára gamli Zlatan gerði sér lítið fyrir og skoraði í leiknum.
Zlatan fór heim til Svíþjóð þar sem ástandið á Ítalíu, þar sem hann leikur með AC Milan, hefur verið mjög slæmt í kórónuveirufaraldrinum.
Zlatan hefur verið að æfa með Hammarby, félagi sem hann á 25 prósent hlut í.
Svíar hafa ekki gengið rosalega langt í takmörkunum sínum gegn kórónuveirunni og eru æfingaleikir þar leyfilegir að því gefnu að ekki komi fleiri en 50 manns saman í tengslum við leikina. Leikmenn Hammarby tóku í dag þátt í æfingaleik, ásamt leikmönnum úr liðum Bajans og IK Frej, í beinni sjónvarpsútsendingu. Leikmönnum liðanna var skipt í lið og leikur spilaður.
Aron Jóhannsson er á mála hjá Hammarby, en hann var ekki í liði með Zlatan.
Hér að neðan má sjá markið sem Zlatan skoraði.
Zlatan rinner igenom och sätter dit sitt första mål på träningen pic.twitter.com/jBTi3yq4rP
— Dplay Sport 🇸🇪 (@Dplay_Sport) April 24, 2020
Athugasemdir