Sancho, Sesko, Mac Allister, Ten Hag, Raya og fleiri góðir koma við sögu
Gregg Ryder: Verið erfiðir tímar fyrir félagið og stuðningsmennina
Ragnar Bragi eftir sinn fyrsta leik í sumar: Erfitt að horfa úr stúkunni
Heimir Guðjóns: Aldrei víti og tekið af okkur löglegt mark
Aron Sig: Menn héldu að þeir væru miklu betri en þeir eru
Góð innkoma hjá Viðari - „Sér hlutina á háu leveli"
Sindri Kristinn: Helgi Mikael gefur þessa vítaspyrnu
„Leikmaðurinn var ekki að fúnkera og þess vegna gerum við skiptingu"
Daníel Hafsteins: Væri fínt ef ég væri alltaf haltur
Brynjar Björn: Hef enga útskýringu á því hvort það sé bakvarðarstaðan sem slík
Siggi Höskulds: Komum með aðeins breytt leikplan
Aron Bjarki: Erum sáttir þar sem við erum
Arnar: Einn sá besti en De Bruyne og Foden spila ekki alla leiki
Beint út með boltapoka eftir núll mínútur - „Ákveðið styrkleikamerki í hausnum á mér"
Hemmi Hreiðars: Oliver hefði frekar átt að fá víti en seinna gula
Davíð Smári: Að hafa hugrekkið til að spila gegn besta liði landsins
Bjarki Björn skoraði glæsimark: Þeir hljóta að hafa verið að horfa
Ásta Eir: Mér er alveg sama hvernig við vinnum leikinn
Nik hreinskilinn: Þetta er ekki nægilega gott fyrir þetta stig
Kristján miður sín: Veit ekki hvort ég sé búinn að segja of mikið
Anna María: Fáránlegur dómur sem skemmir leikinn gjörsamlega
   mið 24. apríl 2024 22:11
Þorsteinn Haukur Harðarson
Heimir Guðjóns: Hefði verið gult spjald í fyrra
Mynd: Fótbolti.net - Hafliði Breiðfjörð

"Fyrri hálfleikurinn var ekki nógu góður varnarlega. Valur er með góða fótboltamenn og við gáfum þeim allt of mikið pláss til að spila. Ef þú gerir það er voðinn vís," sagði Heimir Guðjónsson, þjálfari FH, eftir 3-0 tap gegn Val í Mjólkurbikarnum í kvöld. 


Lestu um leikinn: Valur 3 -  0 FH

"Það er skrítið að segja það en mér fannst við oft á tíðum góðir sóknarlega. Við fengum mikið af opnunum en náðum ekki að nýta það nógu vel", segir Heimir og bætir við.

"Svo fáum við náttúrulega mark á okkur eftir 3 mínútur eftir hornspyrnu þar sem Hólmar er aleinn og skallar í markið. Við héldum að við værum búnir að fara vel yfir þessi atriði en þetta gaf svolítið tóninn."

FH varð manni færri undir lok leiks þegar Grétar Snær Gunnarsson fékk rautt spjald fyrir harða tæklingu. Heimir var spurður út í spjaldið. "Eins og þetta er búið að vera í ár er kom ekki á óvart að þetta hafi verið rautt spjald. Í fyrra held ég að þetta hefði verið gult spjald."

Það var nóg að gera hjá FH í félagskiptum á lokadegi gluggans í dag. Haraldur Einar Ásgrímsson var seldur í Fram og Hörður Ingi Gunnarsson fór frá félaginu í skiptum fyrir Bjarna Guðjón Brynjólfsson. Heimir segir ekki frekari tíðinda að vænta úr FH. 

"Nei við erum búnir. Halli vildi fara. Hann var ósáttur við mínúturnar. Ég er bara þannig gerður að ef menn vilja fara og það fæst rétt verð fyrir þá, þá leyfum við mönnum að fara. Það var eins með Hörð Inga. Þetta er bara staðan og við gerum ekkert meira."

Umræða hefur verið um að Fram hafi þurft að borga dágóðar fjárhæðir fyrir Harald. Heimir vildi ekkert segja til um það. "Ég vildi að ég gæti tjáð mig um það. Þú verður að spyrja yfirmann knattspyrnumála að því, en ég vona að verðmiðinn hafi verið hár."

Úlfur Ágúst Björnsson hefur ekkert spilað með FH til þessa þar sem hann er við nám erlendis. Heimir reiknar með honum í næsta leik. "Úlfur kemur í fyrramálið og mætir á æfingu á morgun. Hann verður væntanlega í hóp gegn Skaganum á sunnudaginn enda í góðu standi."


Athugasemdir
banner
banner
banner