Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 24. maí 2019 09:30
Elvar Geir Magnússon
Liverpool, United og Arsenal vilja fá James
Powerade
Kólumbíski landsliðsmaðurinn James Rodriguez.
Kólumbíski landsliðsmaðurinn James Rodriguez.
Mynd: Getty Images
Adrien Rabiot.
Adrien Rabiot.
Mynd: Getty Images
Rodriguez, Sane, Asensio, Trippier, Lukaku og fleiri í slúðurpakkanum. Slúðrið á föstudögum er besta slúðrið!

Liverpool, Manchester United og Arsenal hafa öll áhuga á að fá kólumbíska landsliðsmanninn James Rodriguez (27) sem verður væntanlega ekki áfram hjá Bayern München eftir að lánssamningi við Real Madrid lýkur í sumar. (Mirror)

Manchester City býst við að fá tilboð frá Bayern München í Leroy Sane (23) sem myndi slá kaupmet Þýskalandsmeistarana. (Mail)

Arsenal vill fá vængmanninn Ryan Fraser (25) frá Bournemouth en það er 30 milljóna punda verðmiði á skoska landsliðsvængmanninum. (Independent)

Tottenham hefur haft samband við Real Madrid í þeirri von að hefja viðræður um miðjumanninn Marco Asensio (23). Real Madrid segir að Spánverjinn sé ekki til sölu. (AS)

Manchester United hefur enn áhuga á að fá franska miðjumanninn Adrien Rabiot (24) sem fer frá Paris St-Germain á frjálsri sölu í sumar. (Manchester Evening News)

Manchester United heldur í vonina um að fá hollenska miðvörðinn Matthijs de Ligt (19) frá Ajax. (Sport)

Marseille og Roma hafa haft samband við Rafael Benítez sem segir að forgangsmál hjá sér sé að gera nýjan samning við Newcastle. (Chronicle)

Newcastle vill fá hægri bakvörðinn Mario Fernandes (28) frá CSKA Moskvu. Atletico Madrid hefur einnig áhuga á þessum rússneska landsliðsmanni sem fæddist í Brasilíu. (Star)

Inter mun bjóða Manchester United 30 milljónir punda auk Ivan Perisic í sóknarmanninn Romelu Lukaku. (Gazzetta dello Sport)

Lukaku óttast að 70 milljóna punda verðmiði Manchester United á sér muni koma í veg fyrir sölu til Inter. Ítalska félagið ku tilbúið að bjóða um 50 milljónir punda í hann. (Mirror)

Everton mun fá 5 milljónir punda ef Lukaku yfirgefur Manchester United fyrir 2022. (Times)

Manchester City vill fá 15 milljónir punda fyrir Fabian Delph (29) en nokkur úrvalsdeildarfélög hafa áhuga á miðjumanninum. (Sun)

Leeds United vill fá Delph en hann hóf aðalliðsferil sinn hjá Championship-félaginu. (Star)

Napoli er líklegast til að kaupa Kieran Trippier (28), hægri bakvörð Tottenham. Enski landsliðsmaðurinn er fáanlegur fyrir rétta upphæð. (Independent)

Manchester United mun líklega fá hollenska framherjann Dillon Hoogewerf (16) sem var hjá yngri liðum Ajax. (Metro)

Arsenal er eitt af mörgum félögum sem vill fá enska sóknarmanninn Danny Loader (18) frá Reading. (Goal)

Fulham hefur áhuga á Dwight Gayle (28) hjá Newcastle og Britt Assombalonga (26) hjá Nottingham Forest ef Aleksandar Mitrovic (24) yfirgefur félagið í sumar. (Evening Standard)

Andrea Radrizzani, eigandi Leeds, segir að viðræður standi yfir við Marcelo Bielsa um að Argentínumaðurinn stýri liðinu áfram. Leeds missti af sæti í úrvalsdeildinni. (TalkSport)
Athugasemdir
banner
banner
banner