Mohamed Salah var í byrjunarliðinu í sínum síðasta leik en hann lagði upp mark Liverpool á Curtis Jones, sem hefur verið orðaður í burtu frá félaginu. Kevin Schade jafnaði hins vegar metin og jafntefli var niðurstaðan.

Salah var tekinn af velli þegar um stundafjorðungur var til loka venjulegs leiktíma og Andy Robertson fór af velli stuttu síða í sínum síðasta leik.

Bournemouth náði aðeins í jafntefli gegn Forest og endar í 6. sæti og fer í Evrópudeildina. 6. sætið hefði getað gefið Meistaradeildarsæti ef Aston Villa hefði tapað gegn Man City en Ollie Watkins skoraði tvennu í seinni hálfleik og tryggði Villa sigurinn eftir að Antoine Semenyo kom City yfir.

Það var tilfinningaþrungin stund á Etihad þar sem Bernardo Silva, John Stones og Pep Guardiola voru að taka þátt í sínum síðasta leik fyrir City.

Nýliðar Sunderland stukku upp úr 10. sæti í það sjöunda með frábærum sigri á Chelsea. Chelsea missti því af Evrópusæti og Sunderland fer í Evrópudeildina. Frábært tímabil hjá nýliðunum.

Brighton tapaði gegn Man Utd þar sem Bruno Fernandes lagði upp 21. markið sitt á tímabilinu. Enginn hefur lagt upp jafn mörg mörk í sögu deildarinnar.

Brighton 0 - 3 Manchester Utd
0-1 Patrick Dorgu ('33 )
0-2 Bryan Mbeumo ('44 )
0-3 Bruno Fernandes ('48 )

Nott. Forest 1 - 1 Bournemouth
1-0 Morgan Gibbs-White ('34 )
1-1 Marcus Tavernier ('54 )

Liverpool 1 - 1 Brentford
1-0 Curtis Jones ('58 )
1-1 Kevin Schade ('64 )

Manchester City 1 - 2 Aston Villa
1-0 Antoine Semenyo ('23 )
1-1 Ollie Watkins ('47 )
1-2 Ollie Watkins ('61 )

Sunderland 2 - 1 Chelsea
1-0 Trai Hume ('25 )
2-0 Malo Gusto ('50 , sjálfsmark)
2-1 Cole Palmer ('56 )
Rautt spjald: Wesley Fofana, Chelsea ('62)