Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 24. júní 2019 14:30
Arnar Daði Arnarsson
Gunni Þorsteins spáir í 9. umferðina í Inkasso
Gunnar Þorsteinsson leikmaður Grindavíkur.
Gunnar Þorsteinsson leikmaður Grindavíkur.
Mynd: Fótbolti.net - Hafliði Breiðfjörð
Fjölnir mætir Þór á laugardaginn.
Fjölnir mætir Þór á laugardaginn.
Mynd: Fótbolti.net - Hafliði Breiðfjörð
Fram mætir Þrótti.
Fram mætir Þrótti.
Mynd: Fótbolti.net - Hafliði Breiðfjörð
9. umferðin í Inkasso-deild karla hefst í kvöld með botnbaráttuslag Njarðvíkur og Hauka. Umferðin heldur síðan áfram á miðvikudag og fimmtudag og lýkur síðan næsta laugardag með tveimur leikjum.

Hörður Ingi Gunnarsson leikmaður ÍA spáði einum leik rétt í síðustu umferð og nú er komið að fyrirliða Grindvíkinga, Gunnari Þorsteinssyni að spá í 9. umferðina.

Njarðvík 1 - 0 Haukar (19:15 í kvöld)
Gengi beggja liða hefur verið brösugt að undanförnu. Njarðvíkingar bíta frá sér eftir fjögurra leikja taphrinu og koma með sannkallaðan Suðurnesjameðbyr inn í bikarleikinn gegn Vesturbæingum. Liðunum hefur gengið illa að koma knettinum í mark andstæðinganna en fyrirliðinn og tölvunarfræðingurinn eldknái Andri Fannar Tótatrúðsson mokar knettinum yfir línuna eftir darraðadans í teig Hauka.

Fram 2 - 2 Þróttur (19:15 á miðvikudag)
Hvorugt liðanna veit hvort að leikurinn sé grannaslagur þannig að mikil reikistefna verður fyrsta hálftímann. Vestfjarðarvíkingurinn Krókurinn Jóa-Torfason verður fyrstur til að ná áttum og brýtur ísinn fyrir Framara. Vergangsmennirnir í Fram beita Luka Kostic aðferðinni "fram-á-við" og tvöfalda svo forystuna eftir langan bolta.
Daði Bergsson jafnar leikinn og verða mörk hans ansi keimlík; leggur hann knöttinn í fjærhornið enda vanur að leggja lagnir í starfi sínu sem pípulagningarmaður.

Afturelding 2 - 3 Grótta (19:15 á fimmtudag)
Ég hef áhuga á þessu gæluverkefni Óskars Hrafns. Ég ber í bakkafullan lækinn að mæra Seltirninga en það er ekki annað hægt en að dást að strákunum sem að taka þátt í þessu af einskærri hugsjón. Það væri skemmtilegt að fá Gróttu alla leið upp í Pax-deildina og þessi leikur verður eitt skref í átt að því marki.


Keflavík 3 - 0 Leiknir R. (19:15 á fimmtudag)
Keflvíkingum er annálað að spila áferðarfallegan fótbolta enda stýra skútunni tveir helstu hreintungustefnumenn knattspyrnuhreyfingarinnar. Keflvíkingar leika við hvurn sinn fingur eftir að hafa hitað upp í Jiggerí, greatest game of all time, hugarfóstur NoStone®. Adam Páls opnar markareikninginn með sinn skarpa fláa (eða lit fade eins og ungdómurinn kallar það) í boði besta hárgreiðslumanns landsins @benniokto. Jóhann Sigurbergsson fagnar sigrinum með því að þrefalda styrktargreiðslur til Grindavíkur og allir fara sáttir á koddann.

Magni 1 - 3 Víkingur Ó. (14:00 á laugardag)
Ejub minnir mig allsvakalega á Kjartan galdrakarl nema hvað að hann nær árangri ár eftir ár, annað en greyið Kjartan sem að tekst þátt eftir þátt að láta strumpana renna sér úr greipum. Ég ráðfærði mig við stuðningsmann Ólafsvíkurvíkinga númer tvö, ljósmyndarann, grafíska hönnuðinn og kaffihússeigandann Anton Jónas Illugason; hann vildi meina að þetta yrði walk in the spruce fyrir sína menn. Fyrir áhugamenn um hafragraut þá fæst á kaffihúsi hans Kaldalæk besti grautur sem völ er á.

Fjölnir 3 - 3 Þór (14:00 á laugardag)
Stórleikur umferðarinnar. Ég ætla að vera eins og sveinki á Prozac í Disneylandi í miðjum lostaleik og spá því að þessi leikur standi undir nafni og muni bjóða upp á alla flóruna: Glæsileg tilþrif, glæpsamleg mistök, áflog, rauð spjöld og glampandi sól. Jónas Sigurbergs sýnir lipra takta en Hans Viktor skorar jöfnunarmarkið með þrumufleyg.

Sjá fyrri spámenn:
Sindri Snær Magnússon (3 réttir)
Sigurður Egill Lárusson (3 réttir)
Björgvin Stefánsson (3 réttir)
Aron Bjarnason (2 réttir)
Hörður Ingi Gunnarsson (1 réttur)
Davíð Örn Atlason (1 réttur)
Arnar Sveinn Geirsson (1 réttur)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner