Franska meistaraliðið Paris Saint-Germain er í viðræðum við spænska vængmanninn Pablo Sarabia. Þetta kemur fram í grein Le Parisien í dag.
Parísarliðið er búið að missa þrjá leikmenn í sumar og ljóst er að þeir verða fleiri en Neymar gæti einnig verið á leið frá félaginu. Þeir Gianluigi Buffon, Daniel Alves og Moussa Diaby eru allir farnir.
PSG ætlar að styrkja sóknarlínuna og hefur það verið í viðræðum við Pablo Sarabia, leikmann Sevilla, undanfarnar vikur.
Le Parisien segir að PSG sé að festa kaup á honum fyrir 18 milljónir evra en Sarabia er uppalinn hjá Real Madrid. Madrídingar eiga kauprétt á honum en þeir koma ekki til með að nýta hann.
Sarabia skoraði 23 mörk og lagði upp 17 í öllum keppnum á síðasta tímabili.
Athugasemdir