Lestu um leikinn: KA 6 -  0 Leiknir R.

Sólon Breki Leifsson og Brynjar Hlöðversson fengu báðir rauð spjöld á þrítugustu mínútu. Sævar var ósáttur við dómarann í báðum atvikum.

„Mjög svekkjandi að fá tvö rauð spjöld. Sólon Breki rennur í bæði skiptin á lélegum Akureyrarvelli. Leiðinlegt að sjá KA manninn meiðast en þetta er eiginlega völlurinn, hann er sleipur. Rauða spjaldið á Binna er aldrei rautt spjald. Ég sá ekki fyrra gula spjaldið en seinna spjaldið segir dómarinn að hann hafi tekið 60 metra sprett í átt að honum ógnandi en það er ekki rétt. Binni var að ræða rauða spjaldið sem Sólon fékk."

Eftir þetta rann leikurinn út í sandinn.

„Þarna fór eiginlega leikurinn bara. Við reynum eins og við gátum að halda haus. Mjög lélegt að fá mark á okkur úr föstu leikatriði."

Ungir leikmenn hjá Leikni fengu tækifæri.

„Við fórum inn í seinni hálfleikinn og ætluðum að fá eitthvað út úr þessum leik, ekki missa hausinn með að tuða í dómaranum. Það var gaman að sjá ungu leikmennina koma inn á og fá reynslu. Þeir stóðu sig frábærlega. Það er svona það eina sem við getum tekið úr þessu."

Leiknir mætir Vestri í næsta leik í Lengjudeildinni.

„Þetta var bara aukakeppni, við erum að fókusa á deildina og leikurinn á sunnudaginn á móti Vestra er miklu mikilvægari en þessi. Við erum strax byrjaðir að fókusa á hann. Okkur hlakkar til."

Viðtalið má sjá í heild sinni hér að ofan.