Myndir: Kátt á hjalla þegar styttumaðurinn mætti

Það var kátt á hjalla þegar styttumaðurinn Michel Kuka Mboladinga, þekktur sem Lumumba, mætti á völlinn í gær.

Hann er frægasti stuðningsmaður Kongó og stendur grafkyrr eins og stytta í stúkunni meðan leikir fara fram.

Lumumba var í sóttkví þegar Kongó lék sinn fyrsta leik á HM en var mættur galvaskur þegar Kongó tapaði 1-0 fyrir Kólumbíu í nótt og fékk höfðinglegar móttökur. Hann tók sér svo stöðu í stúkunni og hreyfði sig nánast ekkert yfir 90 mínúturnar.

Hann leikur styttu til heiðurs Patrice Lumumba, sjálfstæðisleiðtogans sem var fyrsti lýðræðislega kjörni forsætisráðherra Kongó. Hann var myrtur 1960, stuttu eftir að Kongó hlaut sjálfstæði.

Hann hefur leikið styttu á landsleikjum þjóðar sinnar síðan 2013. Umrædda styttu sem hann leikur eftir má finna í höfuðborg Kongó.