Eyjólfur Héðinsson (til vinstri) í baráttunni í leiknum gegn ÍA í gærkvöldi.
Kristijan Jajalo markvörður KA í leiknum gegn FH.
Lið umferðarinnar í Pepsi Max-deildinni er varnarsinnaðara en oft áður. Stillt er upp í leikkerfið 5-4-1 að þessu sinni en fjögur lið héldu hreinu í umferðinni.
HK vann Breiðablik 1-0 í Kópavogsslag í Kórnum. Ívar Örn Jónsson og Guðmundur Þór Júlíusson voru öflugir í vörn HK og hjálpuðu liðinu að halda hreinu. Brynjar Björn Gunnarsson er síðan þjálfari umferðarinnar. Valur skellti sér á toppinn með 3-0 heimasigri á Fylki. Sebastian Hedlund og Sigurður Egill Lárusson skoruðu báðir og voru bestu menn vallarins.
Ingibergur Kort Sigurðsson kom sprækur inn á sem varamaður og tryggði Fjölni stig gegn Íslandsmeisturum KR. Þar var Atli Sigurjónsson besti maður KR en hann skoraði með skalla í leiknum.
Kristijan Jajalo markvörður KA og Guðmundur Kristjánsson varnarmaður FH voru bestu menn vallarins í markalausu jafntefli KA og FH.
Heiðar Ægisson lagði upp mark og Eyjólfur Héðinsson var á skotskónum í öflugum útisigri Stjörnunnar á ÍA. Karl Friðleifur Gunnarsson skoraði þriðja mark sitt í Pepsi Max-deildinni í sumar í 1-1 jafntefli Gróttu og Víkings R.
Sjá einnig:
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Athugasemdir
