West Ham er að leitast eftir því að styrkja miðsvæðið fyrir komandi leiktíð og er Zielinski þar efstur á blaði David Moyes.

Sport Italia segir að West Ham hafi lagt fram 22 milljón punda tilboð í Zielinski en Napoli hafi hafnað því boði.

Napoli vill fá eitthvað í kringum 30 milljónir punda fyrir pólska miðjumanninn sem á tvö ár eftir af samningi. Napoli á möguleika á að framlengja þann samning um ár til viðbótar.

Zielinski er 28 ára gamall og á 72 landsleiki fyrir Pólland, en West Ham er ekki eina félagið sem er að íhuga það að fá hann.

Milan er einnig sagt fylgjast með stöðu hans ef portúgalski miðjumaðurinn Renato Sanches kemur ekki í sumar.