Mauricio Pochettino var vonsvikinn en ekki pirraður eftir 0-1 tap Chelsea á heimavelli gegn Aston Villa í ensku úrvalsdeildinni í dag.
Slök byrjun liðsins undir stjórn Pochettino heldur því áfram en meiðslahrjáð lið Chelsea er aðeins komið með fimm stig eftir sex fyrstu umferðir tímabilsins.
Það eru margir leikmenn frá vegna meiðsla og bættust Nicolas Jackson og Malo Gusto við fjarverulista næsta leiks með því að krækja sér í spjöld í dag. Jackson náði í sitt fimmta gula spjald í sex úrvalsdeildarleikjum og fer í sjálfkrafa leikbann, rétt eins og Gusto sem fékk að líta beint rautt spjald fyrir hættulega tæklingu.
„Við verðum að þroskast sem lið, ekki bara sem einstaklingar. Nicolas (Jackson) er ungur leikmaður sem er ennþá að finna taktinn í ensku úrvalsdeildinni, hann á margt eftir ólært og þarf meiri tíma. Ungir leikmenn þurfa að gera mistök til að geta lært af þeim," sagði Pochettino að leikslokum. „Við erum með ungt lið og ég hef ekki neinar efasemdir um að þessi hópur muni gera frábæra hluti í framtíðinni.
„Við getum samt ekki falið okkur frá því að stuðningsmenn vilja sjá úrslit strax. Það er á okkar ábyrgð að snúa genginu við sem fyrst, við megum ekki kenna VAR eða dómaranum um, við þurfum að skora mörk. Við erum í þannig stöðu að við verðum að byrja að vinna leiki sem fyrst."
Pochettino var þó sáttur við spilamennsku sinna manna í tapinu en segir að það vanti eingöngu að skora mörk.
„Ég er ekki pirraður, bara vonsvikinn. Mér fannst við vera betra liðið allan leikinn. Strákarnir lögðu allt í sölurnar og stóðu sig vel þó við höfum verið að spila leikmanni færri, sem er alltaf erfitt.
„Við vitum að við getum skilað topp frammistöðu en eina sem okkur vantar er að skora mark. Við þurfum að halda áfram að leggja hart að okkur og hlutirnir munu breytast."
Chelsea á næst heimaleik við Brighton í enska deildabikarnum og útileiki gegn Fulham og Burnley áður en liðið tekur á móti Arsenal í Lundúnaslag.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 29 | 19 | 7 | 3 | 58 | 22 | +36 | 64 |
| 2 | Man City | 28 | 18 | 5 | 5 | 57 | 25 | +32 | 59 |
| 3 | Man Utd | 28 | 14 | 9 | 5 | 50 | 38 | +12 | 51 |
| 4 | Aston Villa | 28 | 15 | 6 | 7 | 38 | 30 | +8 | 51 |
| 5 | Liverpool | 28 | 14 | 6 | 8 | 47 | 37 | +10 | 48 |
| 6 | Chelsea | 28 | 12 | 9 | 7 | 49 | 33 | +16 | 45 |
| 7 | Brentford | 28 | 13 | 4 | 11 | 44 | 40 | +4 | 43 |
| 8 | Everton | 28 | 11 | 7 | 10 | 32 | 33 | -1 | 40 |
| 9 | Fulham | 28 | 12 | 4 | 12 | 40 | 42 | -2 | 40 |
| 10 | Bournemouth | 28 | 9 | 12 | 7 | 44 | 46 | -2 | 39 |
| 11 | Brighton | 28 | 9 | 10 | 9 | 38 | 35 | +3 | 37 |
| 12 | Sunderland | 28 | 9 | 10 | 9 | 29 | 34 | -5 | 37 |
| 13 | Newcastle | 28 | 10 | 6 | 12 | 40 | 42 | -2 | 36 |
| 14 | Crystal Palace | 28 | 9 | 8 | 11 | 30 | 34 | -4 | 35 |
| 15 | Leeds | 28 | 7 | 10 | 11 | 37 | 47 | -10 | 31 |
| 16 | Tottenham | 28 | 7 | 8 | 13 | 38 | 43 | -5 | 29 |
| 17 | Nott. Forest | 28 | 7 | 6 | 15 | 26 | 41 | -15 | 27 |
| 18 | West Ham | 28 | 6 | 7 | 15 | 34 | 54 | -20 | 25 |
| 19 | Burnley | 28 | 4 | 7 | 17 | 32 | 56 | -24 | 19 |
| 20 | Wolves | 29 | 2 | 7 | 20 | 20 | 51 | -31 | 13 |
