Spánn: Dramatískir sigrar í San Sebastian og Las Palmas

Getafe leiddi 1-2 í leikhlé en lokatölur urðu 4-3 eftir glæsilega endurkomu heimamanna í síðari hálfleik. 

Mikel Oyarzabal var hetjan í sigrinum en hann kom inn af bekknum á 58. mínútu og skoraði tvennu.

Rayo Vallecano gerði þá jafntefli við Villarreal þar sem gestirnir frá Villarreal spiluðu síðasta stundarfjórðunginn leikmanni færri eftir rautt spjald Alberto Moreno.

Real Betis og Cadiz skildu einnig jöfn á meðan Kirian Rodriguez gerði dramatískt sigurmark í 1-0 sigri Las Palmas gegn Granada, þar sem heimamenn voru leikmanni færri á lokakaflanum.

Rayo Vallecano er efst þessara liða á stöðutöflunni með tíu stig eftir sex umferðir en Sociedad er með níu stig á meðan Cadiz og Real Betis eiga átta stig.

Villarreal og Getafe koma næst með sjö stig en Granada gengur verst og er ekki með nema þrjú mögur stig.

Betis 1 - 1 Cadiz
0-1 Chris Ramos ('41 )
1-1 Guido Rodriguez ('60 )

Rayo Vallecano 1 - 1 Villarreal
0-1 Alexander Sorloth ('15 )
1-1 Kike Perez ('16 )
Rautt spjald: Alberto Moreno, Villarreal ('77)

Real Sociedad 4 - 3 Getafe
1-0 Takefusa Kubo ('2 )
1-1 Carles Alena ('39 )
1-2 Borja Mayoral ('45 , víti)
2-2 Mikel Oyarzabal ('61 , víti)
3-2 Brais Mendez ('66 )
4-2 Mikel Oyarzabal ('88 )
4-3 Juan Miguel Latasa Fernandez Layos ('92 )

Las Palmas 1 - 0 Granada CF
1-0 Kirian Rodriguez ('92 )
Rautt spjald: Mika Marmol, Las Palmas ('58)