Ronaldo grét þegar síðasti dansinn hófst

Þetta er síðasta heimsmeistaramót Ronaldo sem verður 38 ára gamall í febrúar og er þetta eini titillinn sem hann á eftir að vinna á ferlinum.

Hann áttar sig á því að þetta er síðasti dansinn og faldi ekki tárin sem streymdu niður kinnarnar þegar þjóðsöngur Portúgala var spilaður fyrir upphafsflaut leiksins.

Ronaldo kom boltanum í netið í fyrri hálfleik en ekki dæmt mark vegna þess að dómarinn var þegar búinn að dæma Ronaldo brotlegan. Þetta féll ekki vel í kramið á Portúgölum en þeir voru ánægðir þegar Ronaldo féll við afar litla snertingu í síðari hálfleik og fékk dæmda vítaspyrnu.

Ronaldo skoraði sjálfur af punktinum og braut þannig ísinn og þá opnuðust flóðgáttirnar í þessum skemmtilega leik.