Lestu um leikinn: Frakkland 4 -  0 Ísland

Þetta var annar leikur íslenska liðsins í undankeppni Evrópumótsins en Frakkar byrjuðu vel og komust yfir á 11. mínútu með marki frá Samuel Umtiti. Olivier Giroud, Kylian Mbappe og Antoine Griezmann bættu við mörkum og 4-0 sigur staðreynd.

Íslenska liðið spilaði fimma manna vörn og voru mjög aftarlega á vellinum og reyndist erfitt að sækja á franska liðið.

„Auðvitað vorum við inn í leiknum í 1-0 en þeir áttu séns á að skora tvö eða þrjú í fyrri hálfleik. Þetta var mjög erfitt sóknarlega og við vorum það djúpir varnarlega að það var erfitt þegar við unnum boltann að sækja og flestir voru inn á okkar vallarhelming."

„Það teygðist aðeins á þessu í stöðunni 2-0 og við að taka smá sénsa en það býður hættunni gegn svona leikmönnum. Þetta var erfitt fyrir mig og Albert. Hann gerði nokkrum sinnum vel að hlaupa út í horn og vinna innköst og aukaspyrnur en við vorum langt frá hvorum öðrum, vitandi það að þeir myndu halda boltanum vel og sækja vel." sagði hann ennfremur.

Gylfi var ólíkur sjálfum sér í leiknum og náði sér ekki á strik eins og svo margir aðrir í liðinu en hann var tæpur fyrir leikinn.

„Ég var alltaf að fara að spila en var með smá verk í fætinum og verkjatöflurnar voru ekki byrjaðir að kicka inn í upphituninni en það gerðist þegar við vorum komnir út."

Íslenska liðið er í baráttu um 2. sætið í riðlinum og verða næstu þrír leikir liðsins mikilvægir en þeir fara allir fram á Laugardalsvelli.

„Við vissum að Frakkarnir yrðu þeir sem myndu taka fyrsta sætið en auðvitað eru það leikirnir á móti Tyrklandi og Albaníu sem skipta máli. Aðalatriðið var sett á að taka þrjú stig á móti Andorra og leikirnir í sumar á móti liðunum sem verða örugglega í kringum okkur, þannig ef við spilum vel í sumar og tökum sex stig þar þá verðum við í mjög góðum málum," sagði hann í lokin.