Tottenham vann leikinn 3-1 og Mauricio Pochettino knattspyrnustjóri Tottenham var að sjálfsögðu mættur til að taka út nýja völlinn og það var ekki annað að heyra en hann væri ánægður.

„Það eru spennandi tímar framundan, við kvöddum White Hart Lane með tárin í augunum og það má segja að viðbrögðin séu svipuð við því að koma á nýja völlinn. Nú er draumurinn orðinn að veruleika og við verðum að þakka Daniel Levy sem byrjaði að undirbúa þetta verkefni árið 2001."

„Það er mikið af fólki sem hefur lagt mikið á sig við byggingu vallarins og gert þennan draum að veruleika fyrir okkur. Ég vil þakka öllum stuðningsmönnunum fyrir alla þolinmæðina."

„Við erum í góðri stöðu í deildinni og fengum erfiðan drátt í Meistaradeildinni, ég held að með öllum þessum 62.000 stuðningsmönnum getum við fylgt draumnum okkar og farið í undanúrslit Meistaradeildarinnar," sagði Pochettino.

Hér að neðan má sjá myndir frá vellinum sem teknar voru á leik U-18 ára liða Tottenham og Southampton í gær.