Lánsmaður frá Man Utd vill koma Sunderland upp í úrvalsdeildina

Man Utd keypti hinn tvítuga Diallo á mikinn pening frá Atalanta árið 2021 og hefur hann fengið nokkur tækifæri í treyju Man Utd en alls ekki mörg. Hann var á láni hjá Rangers í Skotlandi í fyrra þar sem hann byrjaði vel en datt síðan fljótlega á varamannabekkinn.

United lánaði hann til Sunderland fyrir þetta tímabil og þar hefur kappinn svo sannarlega fundið sig. Hann er í uppáhaldi hjá stuðningsmönnum liðsins og hefur hann verið að draga vagninn hjá Sunderland sem er að spila á ný í Championship deildinni.

Þegar 38 umferðir eru liðnar af deildinni þá situr Sunderland í ellefta sæti deildarinnar, sjö stigum frá sæti í umspilinu.

„Markmið mitt hérna í upphafi tímabils var að skora tíu mörk,” sagði Diallo.

„Núna vil ég skora fleiri mörk en ég er með annað markmið og það er að koma Sunderland í ensku úrvalsdeildinna.”

Diallo er búinn að brjóta tíu marka múrinn en umræða var í gangi í janúar mánuði hvort Man Utd ætlaði að kalla hann til baka úr láni. Erik ten Hag, stjóri Man Utd, sagði þá að Diallo klárar tímabilið í treyju Sunderland.