Ajax hefur verið virkt á leikmannamarkaðinum að undanförnu og keypti Razvan Marin í byrjun mánaðar. Hann á að vera arftaki Frenkie de Jong á miðjunni.
Nú hefur félagið bætt Kik Pierie og Kjell Scherpen við hópinn og munu þeir ganga í raðir félagsins í sumar.
Pierie er miðvörður sem fæddist í Bandaríkjunum árið 2000. Hann er þó uppalinn hjá SC Heerenveen og er byrjunarliðsmaður þar. Hann á 36 leiki að baki fyrir yngri landslið Hollands. Hann er hugsaður sem arftaki Matthijs de Ligt.
Þá er markvörðurinn Kjell Scherpen einnig búinn að skrifa undir. Hann er 19 ára og er byrjunarliðsmaður hjá FC Emmen í Hollandi. Hann mun berjast við Andre Onana um byrjunarliðssæti á næsta tímabili.
Athugasemdir
